Поэтическая перекличка Гасана Алкадари и Шихэмир ал-Кубри

Гьасан Аль-Алкьвадарвидиз

Шукур хьурай, Илагьи, гьар ч1авуз ваз,
Хьсанвилер, Рабби,кьисмет ая заз, –
На халкь авурбурун а кьил хьсанд яз
Мугьаммед ал-Мустафа ваз масанд яз.
Пайгьамбардин, адан ярар-дустарин,
Тамам ая, Халикь,вири кьастарни.

Ракъурзва за Алеем ац1ай саламар
Зи дустуниз квай лап хьсан акалар.
Салам-дуьа гуьзел дагьдин рагъ хьтин,
Къизилгуьлер ац1ай бустан-багъ хьтин.
Гьар са жуьре гуьзелвилер акахьна,
Акьван хьуй хьигьуьлерилай алахьна.
За гьар са гьал фикир к1ват1на, фагьумна,
Хейлин гьалар вири чанди кужумна.
Гьасана заз,вун хвашгелди,лагьана
Рик1ин дуствал, назик гьиссер къалана.
Зал атай а кагьаз заз са дамах я,
Вич кхьейдан хуш къилихдин саягъ я.
Гьасан рик1ин дуст я,гьамни вилин нур,
Теспачавал секинарна,шадна хур.
Чидайди я ам вири жуъред илимар,
Шиирдани лап зурбад я гьунарар.
А шаирдиз гьар са тариф кутугда,
Гьар ширинвал адан меци агудда.
Лап кутугда адаз ганвай т1вар Гьасан,
Герек я гьар садаз a тlвap хьун масан.
Вич ам хва я лап лайихлу бубадин,
Вич сагьиб тир ажеб гуьзел бубадин.
Гьам илимда,гьар са карда вини кьил
Са жуьрени нукьсан квай туш адан гъил
Гьажи Абдуллагь эфенди вичин т1вар,
Гьа и т1варциз лайихлу я гьар са кар.
Гьар патахъай гъунугъ адаз рагьметар,
Вичел атун мумкин жеч гьич туьгьметар.
Зун и факъир Шихэмиран метлеб я.
Дуствал мукьва хьунухь патал себеб я.

Шихэмир Алькубридиз

Салам я ваз, гьам дуьа я рикивай,
Зун лап шад я чи кьведан дуствиликай.
Хабар гузва, чун кьведи гьал чара хьун
Себеб жезва зи вилеркай нагьв к1вахьун.
Са хабарни авачиз заз атана
Шадвилерин вац1р – селлер на гъана
Хьайидалай кьулухъ чун кьвед ик1 чара
За гьарайна амач лугьуз заз чара.
Агь ч1угуна за йикьарихъ а фейи,
Вун тийижиз къиметсуз яз пуч хьайи.
Элкьведач жал а йикъар мад кьулухъди,
Чи шадвилер хъижервал мад артухдиз?
Инсандиз чир жедач къадир няметдин,
Кьадар жедач ахпа ч1угвар гьасретдин.
Аллагьди чаз хъсанвилер кьисметрай,
Гьисабзавач за фейи къар куьмекдай
Даим эбед рагьимдик хьуй Худадин,
Гъил алаз хьуй даим чал чи Агъадин.
Ви гьалдикай кхьихь кагъаз Мамнудаз,
Ви сагълугъвал гьи гьал ят1а чира заз.