ХЦИЗ БАШСАГЪЛУВАЛ ГУН
Гасан Алкадари
Ваз дуъньядин дердер-гъамар кьезил хьуй,
Ви бахтаркай гзаф зурба са гьуьл хьуй.
Хана зи юкь ви гъамлу тир хабарди,
Зи даим к1вал, – лагьанай за, – къуй ччил хьуй.
АЛКЬВАДАР ГЬАСАН ЭФЕНДИ
Терг хьана хьи илимдин гьуьл
Алатна чи Куьредин кьил.
Ат1удач валлагь вахъай вил,
Алкьвадар Гьасан эфенди
Хкахьна уьлкведин чирагъ,
Ик1 бегьерлу майвадин багъ.
Женнетда ваз расна утагъ,
Алкьвадар Гьасан эфенди.
КУЬРЕДА ЦIИЙИ МУЬГЪ
Эвел тадбир тур юлдаш
Хьана арифдар и муькъуьн.
Лацу къванцив дяве – саваш
Хьана кьван сайбар и муькъуьн.
Гьукуматди кьуна гъиле.
Гуьзайдин акъатна кьиле.
Шумуд техник, шумуд фяле
Хьана инжинар и муькъуьн!
Гьасан-Эфенди
Гьар са девирдиз авурт1а килиг
Шумуд аламат акъвазда вилик?
Вакай хьана чаз адалат шерик,
Алкьвадар Мирзе Гьасан-Эфенди.
1877-ЙИСУЗ СИФТЕ ДУСТАГЪ АВУРЛА ЛАГЬАЙ Ч1АЛ
Гьарай эллер, са касдизни текъвез ван
Ччил, цав душман хьана ат1узва аман.
Ччара ийиз хзандивай, к1валивай
Гъурбат жезва заз рик1 алай зи ватан.