Поэтическая перекличка Гасана Алкадари и Шихэмир ал-Кубри
Гьасан Аль-Алкьвадарвидиз
Шукур хьурай, Илагьи, гьар ч1авуз ваз,
Хьсанвилер, Рабби,кьисмет ая заз, –
На халкь авурбурун а кьил хьсанд яз
Мугьаммед ал-Мустафа ваз масанд яз.
Пайгьамбардин, адан ярар-дустарин,
Тамам ая, Халикь,вири кьастарни.
НАИБ ГЬАСАНАЗ
Эй адалат, вели Султан,
Эй играми Гьасан наиб,
Эй фелек сагьиби мяден,
Эй алама игьсан, наиб,
Ви стхаяр хьайт1а риза,
Са гьикая ахъайин за.
Кьилел атай дуьшуьш-къаза
Дуьз риваят хъсан, наиб.
АЗАДВАЛ
Есир хьана зун зулумдин, чир хьанач заз азадвилин дад,
Кьазанмишиз жеч азадвал, зулумкардиз ийиз мидад.
Хъсан тушни, хва, асландиз азад яз хьун са нефесда,
Виш агъзур йис акъуддалди къизилдикай тир кьефесда.
АЛКЬВАДАР ГЬАСАН ЭФЕНДИДИН ЦIИЙИ KIВАЛЕРИЗ
Мубарак хьуй, стха, ваз ц1ийи к1валер!
Адаллай диванар xупl ярашух я.
Тамам буьтуьм эллер гьатна шадвиле
Кагъаз гьуькуьм xупl ярашух я.
АБУМУСЛИМАЗ КАГЪАЗ
Эй Абумуслим, зи играми хва,
Зи вилерин нур, чандилай багьа.
Ви чан сагъ хьурай, уьмуьрни къадим,
Хушбахтвал кьисмет хьурай ваз даим.
Хъсан крара хьурай ваз даях
Сакъийи-кавсар, а Лавлаку-шагь.
Зи рик1ин хиял, зи мурад-метлеб
Хушбахтвилинди хьунухь я ви гъед.